Gogoan izan San Anton kaleko 26. zenbakian (Iruñea) Korrikak beste denda bat daukala. Lehen Nafarroa Oinez denda izandako saltoki hau irekita dago jada.
Ordutegia:
Astelehenetik larunbatera 11:00etatik 13:30era eta 17:00etatik 20:30era.
Korrika 16k Bilbon ere denda izango du. Alde Zaharreko Somera kaleko 2. zenbakian egongo da kokatuta. Santo Tomas egunean bertan zabalduko dugu eta Korrika hasi arte izango da.
Santo Tomas egunean (abenduaren 20an) 11:00etatik 17:00etara egongo da irekita eta gabonetan hainbat egunetan zabalik aurkituko dugu.
Urtarriletik aurrera honako ordutegia izango du:
Ostegun eta ostiraletan: 17:00etatik 20:00etara.
Larunbatetan: 10:30etik 13:30era.
Korrika 16k arropa eta bestelako materiala salgai jarriko du Hernani eta Astigarragako plazetan. Postua eguerdian egongo da irekita, 12:00etatik 14:00etara eta egun hauetan:
Abenduaren 20an, Hernanin.
Otsailaren 14an, Astigarragan.
Martxoaren 7, 8, 14, 15, 21 eta 22an, Hernani eta Astigarragan.
Santo Tomas egunean, abenduaren 21ean (igandea), goizeko 12etatik arratsaldeko 17ak arte, Korrika 16ren arropa eta gainerako materiala ikusi eta erosteko aukera egongo da Donostiako Txofre plazan.
Abenduaren 4an Korrika 16ren aurkezpena egin genuen Baionako Kalostrapen, AEK-k Iparraldean duen egoitza nagusian eta jadanik gure lehengo hitzordua finkatua dugu bertan: hilaren 11n, Miarritzeko Atabal gelan, Korrikaren jantzien moda desfilea antolatu dugu.
Arratsaldeko zazpietatik aurrera, Iparraldeko kirolari, bertsolari, kantari famatuek eta gau eskoletako ikasle eta irakasleek desfilatuko dute.
Gaualdia alaitzeko, pintxo-poteoa egingo da eta DJ Nes eta trikitilariak ere egongo dira.
Abenduaren 13tik 24ra, berriz, Baionako Elkar megadendan (Arsenal plaza) Korrikaren jantzien eta materialaren merkatua izango da.
Abenduaren 5etik 8ra egingo den Durangoko Euskal Liburu eta Disko Azokan Korrikaren arropa erosi zein Korrika laguntzaile egiteko aukera paregabea eskaintzen dizuegu.
AEK eta AIZU!-ren standean egin zaitezkete Korrika laguntzaileak. 12 euroren truke, laguntzaile zaretela adierazten duen pina, urtarriletik aurrera Euskal Herriko ehunka komertziotan beherapenak izatea ahalbidetuko dien Korrika laguntzailea txartela, eta txartela erabili ahal izango den komertzioen zerrenda duen katalogoa eskuratuko dituzte.
Durangoko Azoka den egunetarako Korrikak arropa eta bestelako materiala salgai egongo den denda zabalduko du. Korrika denda Durangoko Andra Mari kaleko 14. zenbakian egongo da, Goienkale kalearen sarreran bertan hain zuzen ere.
Abenduaren 4an Korrika 16ren aurkezpena egin genuen Baionako 
